一木搞作 | 木工遊

| 森利木行 @sumlee.timber |
第一站去到森利木行，木行成立於1988年，營運接近40年，初期座落於北角渣華道，90年代中再搬往觀塘鴻圖道。

如果唔係需要超級刁鑽嘅木材，森利基本上都可以滿足你，實木、夾板、膠板等等一應俱全。而家好多人為咗節省成本，而選擇網上買木，最大嘅風險當然係無法親眼確定木材狀態，有機會運到落嚟發覺用唔到。現成嘅木行除咗可以畀你睇到、摸到實物之外，最大嘅賣點係能夠按顧客需要而提供專業建議，賣𡁵嘅木都一定經過細心挑選。

森利木行而家由第二代接手，除咗有網站，仲可以喺IG睇新動態，亦可以透過WhatsApp聯絡，對年輕客人嚟講真係親切好多。

地址：觀塘鴻圖道70號號地下

| 一木 @yat_muk |
Ken整合有系統的木工課程，從理論到手藝訓練，以個人或小組形式授課。希望大眾了解更多木工文化與技術，透過體驗和考察，加深對傳統木工的認識。

| Bespecial @bespecialshop |
Bespecial 由木雕藝術家夫婦 Vivian 同 Justin主理。木雕嘅手工感非常迷人，Vivian甚至話落刀都能夠反映到製作者嘅性格同情緒。Justin 就分享，以前做載人嘅船都係使用木雕嘅原理，動員好多個健碩嘅維京人，將木柱一分為二，再慢慢雕出凹凸面，就成為一隻船。當日大家都有體驗到Shaving horse，我覺得刨木嘅時候，比使用機器更療癒，更有合一嘅感覺。

地址：觀塘偉業街171號偉業工業大廈4樓B4室

| Alot @alot.living |
最後一站去到ALOT Living。一舊木頭由木行開始，走到製作，最後一站往往會喺傢俬店出現。ALOT Living 係進口傢俬店，產品主要嚟自日本飛驒高山丶福岡大川市、北海道旭川，以及泰國等地。因為選物風格雅緻，成為香港好受歡迎嘅傢俬店。

睇咗好多木枱嘅榫位處理、電視櫃嘅拉門，當中一個木櫃令人都非常讚歎，左右門唔需要按先後關上，其中一邊內部嘅木條更有防塵功能，每個細節都非常用心，美感同功能性都兼備。

地址：觀塘巧明街115號柏秀中心1樓

一個輕鬆既旅程，由工藝人親自帶領，了解到每一個地方的特色，每個木工範疇既運作原理，發現木工藝術背後既故事與細節。

✏️ @chanching_archive 隨筆
🎥 @christy_eatographer 攝影及剪片